Book 1 • Chapter 238
Section 238
10 verses
Verse 1
घटइ बढ़इ बिरहनि दुखदाई ग्रसइ राहु निज संधिहिं पाई
Verse 2
कोक सिकप्रद पंकज द्रोही अवगुन बहुत चंद्रमा तोही
Verse 3
बैदेही मुख पटतर दीन्हे होइ दोष बड़ अनुचित कीन्हे
Verse 4
सिय मुख छबि बिधु ब्याज बखानी गुरु पहिं चले निसा बड़ि जानी
Verse 5
करि मुनि चरन सरोज प्रनामा आयसु पाइ कीन्ह बिश्रामा
Verse 6
बिगत निसा रघुनायक जागे बंधु बिलोकि कहन अस लागे
Verse 7
उदउ अरुन अवलोकहु ताता पंकज कोक लोक सुखदाता
Verse 8
बोले लखनु जोरि जुग पानी प्रभु प्रभाउ सूचक मृदु बानी
Verse 9
अरुनोदयँ सकुचे कुमुद उडगन जोति मलीन
Verse 10
जिमि तुम्हार आगमन सुनि भए नृपति बलहीन
0:000:00
Speed: