Book 1 • Chapter 246
Section 246
10 verses
Verse 1
ब्यर्थ मरहु जनि गाल बजाई मन मोदकन्हि कि भूख बुताई
Verse 2
सिख हमारि सुनि परम पुनीता जगदंबा जानहु जियँ सीता
Verse 3
जगत पिता रघुपतिहि बिचारी भरि लोचन छबि लेहु निहारी
Verse 4
सुंदर सुखद सकल गुन रासी ए दोउ बंधु संभु उर बासी
Verse 5
सुधा समुद्र समीप बिहाई मृगजलु निरखि मरहु कत धाई
Verse 6
करहु जाइ जा कहुँ जोई भावा हम तौ आजु जनम फलु पावा
Verse 7
अस कहि भले भूप अनुरागे रूप अनूप बिलोकन लागे
Verse 8
देखहिं सुर नभ चढ़े बिमाना बरषहिं सुमन करहिं कल गाना
Verse 9
जानि सुअवसरु सीय तब पठई जनक बोलाई
Verse 10
चतुर सखीं सुंदर सकल सादर चलीं लवाईं
0:000:00
Speed: