Book 1 • Chapter 252
Section 252
10 verses
Verse 1
कहहु काहि यहु लाभु न भावा काहुँ न संकर चाप चढ़ावा
Verse 2
रहउ चढ़ाउब तोरब भाई तिलु भरि भूमि न सके छड़ाई
Verse 3
अब जनि कोउ माखै भट मानी बीर बिहीन मही मैं जानी
Verse 4
तजहु आस निज निज गृह जाहू लिखा न बिधि बैदेहि बिबाहू
Verse 5
सुकृत जाइ जौं पनु परिहरऊँ कुअँरि कुआरि रहउ का करऊँ
Verse 6
जो जनतेउँ बिनु भट भुबि भाई तौ पनु करि होतेउँ न हँसाई
Verse 7
जनक बचन सुनि सब नर नारी देखि जानकिहि भए दुखारी
Verse 8
माखे लखनु कुटिल भइँ भौंहें रदपट फरकत नयन रिसौंहें
Verse 9
कहि न सकत रघुबीर डर लगे बचन जनु बान
Verse 10
नाइ राम पद कमल सिरु बोले गिरा प्रमान
0:000:00
Speed: