Book 1 • Chapter 263
Section 263
10 verses
Verse 1
झाँझि मृदंग संख सहनाई भेरि ढोल दुंदुभी सुहाई
Verse 2
बाजहिं बहु बाजने सुहाए जहँ तहँ जुबतिन्ह मंगल गाए
Verse 3
सखिन्ह सहित हरषी अति रानी सूखत धान परा जनु पानी
Verse 4
जनक लहेउ सुखु सोचु बिहाई पैरत थकें थाह जनु पाई
Verse 5
श्रीहत भए भूप धनु टूटे जैसें दिवस दीप छबि छूटे
Verse 6
सीय सुखहि बरनिअ केहि भाँती जनु चातकी पाइ जलु स्वाती
Verse 7
रामहि लखनु बिलोकत कैसें ससिहि चकोर किसोरकु जैसें
Verse 8
सतानंद तब आयसु दीन्हा सीताँ गमनु राम पहिं कीन्हा
Verse 9
संग सखीं सुदंर चतुर गावहिं मंगलचार
Verse 10
गवनी बाल मराल गति सुषमा अंग अपार
0:000:00
Speed: