Book 1 • Chapter 268
Section 268
10 verses
Verse 1
खरभरु देखि बिकल पुर नारीं सब मिलि देहिं महीपन्ह गारीं
Verse 2
तेहिं अवसर सुनि सिव धनु भंगा आयसु भृगुकुल कमल पतंगा
Verse 3
देखि महीप सकल सकुचाने बाज झपट जनु लवा लुकाने
Verse 4
गौरि सरीर भूति भल भ्राजा भाल बिसाल त्रिपुंड बिराजा
Verse 5
सीस जटा ससिबदनु सुहावा रिसबस कछुक अरुन होइ आवा
Verse 6
भृकुटी कुटिल नयन रिस राते सहजहुँ चितवत मनहुँ रिसाते
Verse 7
बृषभ कंध उर बाहु बिसाला चारु जनेउ माल मृगछाला
Verse 8
कटि मुनि बसन तून दुइ बाँधें धनु सर कर कुठारु कल काँधें
Verse 9
सांत बेषु करनी कठिन बरनि न जाइ सरुप
Verse 10
धरि मुनितनु जनु बीर रसु आयउ जहँ सब भूप
0:000:00
Speed: