Book 1 • Chapter 271
Section 271
10 verses
Verse 1
नाथ संभुधनु भंजनिहारा होइहि केउ एक दास तुम्हारा
Verse 2
आयसु काह कहिअ किन मोही सुनि रिसाइ बोले मुनि कोही
Verse 3
सेवकु सो जो करै सेवकाई अरि करनी करि करिअ लराई
Verse 4
सुनहु राम जेहिं सिवधनु तोरा सहसबाहु सम सो रिपु मोरा
Verse 5
सो बिलगाउ बिहाइ समाजा न त मारे जैहहिं सब राजा
Verse 6
सुनि मुनि बचन लखन मुसुकाने बोले परसुधरहि अपमाने
Verse 7
बहु धनुहीं तोरीं लरिकाईं कबहुँ न असि रिस कीन्हि गोसाईं
Verse 8
एहि धनु पर ममता केहि हेतू सुनि रिसाइ कह भृगुकुलकेतू
Verse 9
रे नृप बालक कालबस बोलत तोहि न सँमार
Verse 10
धनुही सम तिपुरारि धनु बिदित सकल संसार
0:000:00
Speed: