Book 1 • Chapter 310
Section 310
10 verses
Verse 1
जनक सुकृत मूरति बैदेही दसरथ सुकृत रामु धरें देही
Verse 2
इन्ह सम काँहु न सिव अवराधे काहिं न इन्ह समान फल लाधे
Verse 3
इन्ह सम कोउ न भयउ जग माहीं है नहिं कतहूँ होनेउ नाहीं
Verse 4
हम सब सकल सुकृत कै रासी भए जग जनमि जनकपुर बासी
Verse 5
जिन्ह जानकी राम छबि देखी को सुकृती हम सरिस बिसेषी
Verse 6
पुनि देखब रघुबीर बिआहू लेब भली बिधि लोचन लाहू
Verse 7
कहहिं परसपर कोकिलबयनीं एहि बिआहँ बड़ लाभु सुनयनीं
Verse 8
बड़ें भाग बिधि बात बनाई नयन अतिथि होइहहिं दोउ भाई
Verse 9
बारहिं बार सनेह बस जनक बोलाउब सीय
Verse 10
लेन आइहहिं बंधु दोउ कोटि काम कमनीय
0:000:00
Speed: