Book 1 • Chapter 325
Section 325
10 verses
Verse 1
कुअँरु कुअँरि कल भावँरि देहीं नयन लाभु सब सादर लेहीं
Verse 2
जाइ न बरनि मनोहर जोरी जो उपमा कछु कहौं सो थोरी
Verse 3
राम सीय सुंदर प्रतिछाहीं जगमगात मनि खंभन माहीं
Verse 4
मनहुँ मदन रति धरि बहु रूपा देखत राम बिआहु अनूपा
Verse 5
दरस लालसा सकुच न थोरी प्रगटत दुरत बहोरि बहोरी
Verse 6
भए मगन सब देखनिहारे जनक समान अपान बिसारे
Verse 7
प्रमुदित मुनिन्ह भावँरी फेरी नेगसहित सब रीति निबेरीं
Verse 8
राम सीय सिर सेंदुर देहीं सोभा कहि न जाति बिधि केहीं
Verse 9
अरुन पराग जलजु भरि नीकें ससिहि भूष अहि लोभ अमी कें
Verse 10
बहुरि बसिष्ठ दीन्ह अनुसासन बरु दुलहिनि बैठे एक आसन
0:000:00
Speed: