Book 1 • Chapter 342
Section 342
10 verses
Verse 1
सबहि भाँति मोहि दीन्हि बड़ाई निज जन जानि लीन्ह अपनाई
Verse 2
होहिं सहस दस सारद सेषा करहिं कलप कोटिक भरि लेखा
Verse 3
मोर भाग्य राउर गुन गाथा कहि न सिराहिं सुनहु रघुनाथा
Verse 4
मै कछु कहउँ एक बल मोरें तुम्ह रीझहु सनेह सुठि थोरें
Verse 5
बार बार मागउँ कर जोरें मनु परिहरै चरन जनि भोरें
Verse 6
सुनि बर बचन प्रेम जनु पोषे पूरनकाम रामु परितोषे
Verse 7
करि बर बिनय ससुर सनमाने पितु कौसिक बसिष्ठ सम जाने
Verse 8
बिनती बहुरि भरत सन कीन्ही मिलि सप्रेमु पुनि आसिष दीन्ही
Verse 9
मिले लखन रिपुसूदनहि दीन्हि असीस महीस
Verse 10
भए परस्पर प्रेमबस फिरि फिरि नावहिं सीस
0:000:00
Speed: