Book 1 • Chapter 354
Section 354
10 verses
Verse 1
सब बिधि सबहि समदि नरनाहू रहा हृदयँ भरि पूरि उछाहू
Verse 2
जहँ रनिवासु तहाँ पगु धारे सहित बहूटिन्ह कुअँर निहारे
Verse 3
लिए गोद करि मोद समेता को कहि सकइ भयउ सुखु जेता
Verse 4
बधू सप्रेम गोद बैठारीं बार बार हियँ हरषि दुलारीं
Verse 5
देखि समाजु मुदित रनिवासू सब कें उर अनंद कियो बासू
Verse 6
कहेउ भूप जिमि भयउ बिबाहू सुनि हरषु होत सब काहू
Verse 7
जनक राज गुन सीलु बड़ाई प्रीति रीति संपदा सुहाई
Verse 8
बहुबिधि भूप भाट जिमि बरनी रानीं सब प्रमुदित सुनि करनी
Verse 9
सुतन्ह समेत नहाइ नृप बोलि बिप्र गुर ग्याति
Verse 10
भोजन कीन्ह अनेक बिधि घरी पंच गइ राति
0:000:00
Speed: