Book 1 • Chapter 355
Section 355
10 verses
Verse 1
मंगलगान करहिं बर भामिनि भै सुखमूल मनोहर जामिनि
Verse 2
अँचइ पान सब काहूँ पाए स्त्रग सुगंध भूषित छबि छाए
Verse 3
रामहि देखि रजायसु पाई निज निज भवन चले सिर नाई
Verse 4
प्रेम प्रमोद बिनोदु बढ़ाई समउ समाजु मनोहरताई
Verse 5
कहि न सकहि सत सारद सेसू बेद बिरंचि महेस गनेसू
Verse 6
सो मै कहौं कवन बिधि बरनी भूमिनागु सिर धरइ कि धरनी
Verse 7
नृप सब भाँति सबहि सनमानी कहि मृदु बचन बोलाई रानी
Verse 8
बधू लरिकनीं पर घर आईं राखेहु नयन पलक की नाई
Verse 9
लरिका श्रमित उनीद बस सयन करावहु जाइ
Verse 10
अस कहि गे बिश्रामगृहँ राम चरन चितु लाइ
0:000:00
Speed: