Book 1 • Chapter 37
Section 37
17 verses
Verse 1
सप्त प्रबन्ध सुभग सोपाना ग्यान नयन निरखत मन माना
Verse 2
रघुपति महिमा अगुन अबाधा बरनब सोइ बर बारि अगाधा
Verse 3
राम सीय जस सलिल सुधासम उपमा बीचि बिलास मनोरम
Verse 4
पुरइनि सघन चारु चौपाई जुगुति मंजु मनि सीप सुहाई
Verse 5
छंद सोरठा सुंदर दोहा सोइ बहुरंग कमल कुल सोहा
Verse 6
अरथ अनूप सुमाव सुभासा सोइ पराग मकरंद सुबासा
Verse 7
सुकृत पुंज मंजुल अलि माला ग्यान बिराग बिचार मराला
Verse 8
धुनि अवरेब कबित गुन जाती मीन मनोहर ते बहुभाँती
Verse 9
अरथ धरम कामादिक चारी कहब ग्यान बिग्यान बिचारी
Verse 10
नव रस जप तप जोग बिरागा ते सब जलचर चारु तड़ागा
Verse 11
सुकृती साधु नाम गुन गाना ते बिचित्र जल बिहग समाना
Verse 12
संतसभा चहुँ दिसि अवँराई श्रद्धा रितु बसंत सम गाई
Verse 13
भगति निरुपन बिबिध बिधाना छमा दया दम लता बिताना
Verse 14
सम जम नियम फूल फल ग्याना हरि पत रति रस बेद बखाना
Verse 15
औरउ कथा अनेक प्रसंगा तेइ सुक पिक बहुबरन बिहंगा
Verse 16
पुलक बाटिका बाग बन सुख सुबिहंग बिहारु
Verse 17
माली सुमन सनेह जल सींचत लोचन चारु
0:000:00
Speed: