Book 1 • Chapter 46
Section 46
10 verses
Verse 1
अस बिचारि प्रगटउँ निज मोहू हरहु नाथ करि जन पर छोहू
Verse 2
राम नाम कर अमित प्रभावा संत पुरान उपनिषद गावा
Verse 3
संतत जपत संभु अबिनासी सिव भगवान ग्यान गुन रासी
Verse 4
आकर चारि जीव जग अहहीं कासीं मरत परम पद लहहीं
Verse 5
सोपि राम महिमा मुनिराया सिव उपदेसु करत करि दाया
Verse 6
रामु कवन प्रभु पूछउँ तोही कहिअ बुझाइ कृपानिधि मोही
Verse 7
एक राम अवधेस कुमारा तिन्ह कर चरित बिदित संसारा
Verse 8
नारि बिरहँ दुखु लहेउ अपारा भयहु रोषु रन रावनु मारा
Verse 9
प्रभु सोइ राम कि अपर कोउ जाहि जपत त्रिपुरारि
Verse 10
सत्यधाम सर्बग्य तुम्ह कहहु बिबेकु बिचारि
0:000:00
Speed: