Book 1 • Chapter 61
Section 61
10 verses
Verse 1
किंनर नाग सिद्ध गंधर्बा बधुन्ह समेत चले सुर सर्बा
Verse 2
बिष्नु बिरंचि महेसु बिहाई चले सकल सुर जान बनाई
Verse 3
सतीं बिलोके ब्योम बिमाना जात चले सुंदर बिधि नाना
Verse 4
सुर सुंदरी करहिं कल गाना सुनत श्रवन छूटहिं मुनि ध्याना
Verse 5
पूछेउ तब सिवँ कहेउ बखानी पिता जग्य सुनि कछु हरषानी
Verse 6
जौं महेसु मोहि आयसु देहीं कुछ दिन जाइ रहौं मिस एहीं
Verse 7
पति परित्याग हृदय दुखु भारी कहइ न निज अपराध बिचारी
Verse 8
बोली सती मनोहर बानी भय संकोच प्रेम रस सानी
Verse 9
पिता भवन उत्सव परम जौं प्रभु आयसु होइ
Verse 10
तौ मै जाउँ कृपायतन सादर देखन सोइ
0:000:00
Speed: