Book 1 • Chapter 65
Section 65
10 verses
Verse 1
समाचार सब संकर पाए बीरभद्रु करि कोप पठाए
Verse 2
जग्य बिधंस जाइ तिन्ह कीन्हा सकल सुरन्ह बिधिवत फलु दीन्हा
Verse 3
भे जगबिदित दच्छ गति सोई जसि कछु संभु बिमुख कै होई
Verse 4
यह इतिहास सकल जग जानी ताते मैं संछेप बखानी
Verse 5
सतीं मरत हरि सन बरु मागा जनम जनम सिव पद अनुरागा
Verse 6
तेहि कारन हिमगिरि गृह जाई जनमीं पारबती तनु पाई
Verse 7
जब तें उमा सैल गृह जाईं सकल सिद्धि संपति तहँ छाई
Verse 8
जहँ तहँ मुनिन्ह सुआश्रम कीन्हे उचित बास हिम भूधर दीन्हे
Verse 9
सदा सुमन फल सहित सब द्रुम नव नाना जाति
Verse 10
प्रगटीं सुंदर सैल पर मनि आकर बहु भाँति
0:000:00
Speed: