Book 1 • Chapter 67
Section 67
10 verses
Verse 1
कह मुनि बिहसि गूढ़ मृदु बानी सुता तुम्हारि सकल गुन खानी
Verse 2
सुंदर सहज सुसील सयानी नाम उमा अंबिका भवानी
Verse 3
सब लच्छन संपन्न कुमारी होइहि संतत पियहि पिआरी
Verse 4
सदा अचल एहि कर अहिवाता एहि तें जसु पैहहिं पितु माता
Verse 5
होइहि पूज्य सकल जग माहीं एहि सेवत कछु दुर्लभ नाहीं
Verse 6
एहि कर नामु सुमिरि संसारा त्रिय चढ़हहिं पतिब्रत असिधारा
Verse 7
सैल सुलच्छन सुता तुम्हारी सुनहु जे अब अवगुन दुइ चारी
Verse 8
अगुन अमान मातु पितु हीना उदासीन सब संसय छीना
Verse 9
जोगी जटिल अकाम मन नगन अमंगल बेष
Verse 10
अस स्वामी एहि कहँ मिलिहि परी हस्त असि रेख
0:000:00
Speed: