Book 1 • Chapter 73
Section 73
10 verses
Verse 1
करहि जाइ तपु सैलकुमारी नारद कहा सो सत्य बिचारी
Verse 2
मातु पितहि पुनि यह मत भावा तपु सुखप्रद दुख दोष नसावा
Verse 3
तपबल रचइ प्रपंच बिधाता तपबल बिष्नु सकल जग त्राता
Verse 4
तपबल संभु करहिं संघारा तपबल सेषु धरइ महिभारा
Verse 5
तप अधार सब सृष्टि भवानी करहि जाइ तपु अस जियँ जानी
Verse 6
सुनत बचन बिसमित महतारी सपन सुनायउ गिरिहि हँकारी
Verse 7
मातु पितुहि बहुबिधि समुझाई चलीं उमा तप हित हरषाई
Verse 8
प्रिय परिवार पिता अरु माता भए बिकल मुख आव न बाता
Verse 9
बेदसिरा मुनि आइ तब सबहि कहा समुझाइ
Verse 10
पारबती महिमा सुनत रहे प्रबोधहि पाइ
0:000:00
Speed: