Book 1 • Chapter 75
Section 75
10 verses
Verse 1
अस तपु काहुँ न कीन्ह भवानी भउ अनेक धीर मुनि ग्यानी
Verse 2
अब उर धरहु ब्रह्म बर बानी सत्य सदा संतत सुचि जानी
Verse 3
आवै पिता बोलावन जबहीं हठ परिहरि घर जाएहु तबहीं
Verse 4
मिलहिं तुम्हहि जब सप्त रिषीसा जानेहु तब प्रमान बागीसा
Verse 5
सुनत गिरा बिधि गगन बखानी पुलक गात गिरिजा हरषानी
Verse 6
उमा चरित सुंदर मैं गावा सुनहु संभु कर चरित सुहावा
Verse 7
जब तें सती जाइ तनु त्यागा तब सें सिव मन भयउ बिरागा
Verse 8
जपहिं सदा रघुनायक नामा जहँ तहँ सुनहिं राम गुन ग्रामा
Verse 9
चिदानन्द सुखधाम सिव बिगत मोह मद काम
Verse 10
बिचरहिं महि धरि हृदयँ हरि सकल लोक अभिराम
0:000:00
Speed: