Book 1 • Chapter 76
Section 76
10 verses
Verse 1
कतहुँ मुनिन्ह उपदेसहिं ग्याना कतहुँ राम गुन करहिं बखाना
Verse 2
जदपि अकाम तदपि भगवाना भगत बिरह दुख दुखित सुजाना
Verse 3
एहि बिधि गयउ कालु बहु बीती नित नै होइ राम पद प्रीती
Verse 4
नैमु प्रेमु संकर कर देखा अबिचल हृदयँ भगति कै रेखा
Verse 5
प्रगटै रामु कृतग्य कृपाला रूप सील निधि तेज बिसाला
Verse 6
बहु प्रकार संकरहि सराहा तुम्ह बिनु अस ब्रतु को निरबाहा
Verse 7
बहुबिधि राम सिवहि समुझावा पारबती कर जन्मु सुनावा
Verse 8
अति पुनीत गिरिजा कै करनी बिस्तर सहित कृपानिधि बरनी
Verse 9
अब बिनती मम सुनेहु सिव जौं मो पर निज नेहु
Verse 10
जाइ बिबाहहु सैलजहि यह मोहि मागें देहु
0:000:00
Speed: