Book 1 • Chapter 85
Section 85
8 verses
Verse 1
सब के हृदयँ मदन अभिलाषा लता निहारि नवहिं तरु साखा
Verse 2
नदीं उमगि अंबुधि कहुँ धाई संगम करहिं तलाव तलाई
Verse 3
जहँ असि दसा जड़न्ह कै बरनी को कहि सकइ सचेतन करनी
Verse 4
पसु पच्छी नभ जल थलचारी भए कामबस समय बिसारी
Verse 5
मदन अंध ब्याकुल सब लोका निसि दिनु नहिं अवलोकहिं कोका
Verse 6
देव दनुज नर किंनर ब्याला प्रेत पिसाच भूत बेताला
Verse 7
इन्ह कै दसा न कहेउँ बखानी सदा काम के चेरे जानी
Verse 8
सिद्ध बिरक्त महामुनि जोगी तेपि कामबस भए बियोगी
0:000:00
Speed: