Book 1 • Chapter 91
Section 91
10 verses
Verse 1
सबु प्रसंगु गिरिपतिहि सुनावा मदन दहन सुनि अति दुखु पावा
Verse 2
बहुरि कहेउ रति कर बरदाना सुनि हिमवंत बहुत सुखु माना
Verse 3
हृदयँ बिचारि संभु प्रभुताई सादर मुनिबर लिए बोलाई
Verse 4
सुदिनु सुनखतु सुघरी सोचाई बेगि बेदबिधि लगन धराई
Verse 5
पत्री सप्तरिषिन्ह सोइ दीन्ही गहि पद बिनय हिमाचल कीन्ही
Verse 6
जाइ बिधिहि दीन्हि सो पाती बाचत प्रीति न हृदयँ समाती
Verse 7
लगन बाचि अज सबहि सुनाई हरषे मुनि सब सुर समुदाई
Verse 8
सुमन बृष्टि नभ बाजन बाजे मंगल कलस दसहुँ दिसि साजे
Verse 9
लगे सँवारन सकल सुर बाहन बिबिध बिमान
Verse 10
होहि सगुन मंगल सुभद करहिं अपछरा गान
0:000:00
Speed: