Book 1 • Chapter 93
Section 93
8 verses
Verse 1
बर अनुहारि बरात न भाई हँसी करैहहु पर पुर जाई
Verse 2
बिष्नु बचन सुनि सुर मुसकाने निज निज सेन सहित बिलगाने
Verse 3
मनहीं मन महेसु मुसुकाहीं हरि के बिंग्य बचन नहिं जाहीं
Verse 4
अति प्रिय बचन सुनत प्रिय केरे भृंगिहि प्रेरि सकल गन टेरे
Verse 5
सिव अनुसासन सुनि सब आए प्रभु पद जलज सीस तिन्ह नाए
Verse 6
नाना बाहन नाना बेषा बिहसे सिव समाज निज देखा
Verse 7
कोउ मुखहीन बिपुल मुख काहू बिनु पद कर कोउ बहु पद बाहू
Verse 8
बिपुल नयन कोउ नयन बिहीना रिष्टपुष्ट कोउ अति तनखीना
0:000:00
Speed: