Book 4 • Chapter 2
Section 2
11 verses
Verse 1
कोसलेस दसरथ के जाए हम पितु बचन मानि बन आए
Verse 2
नाम राम लछिमन दौउ भाई संग नारि सुकुमारि सुहाई
Verse 3
इहाँ हरि निसिचर बैदेही बिप्र फिरहिं हम खोजत तेही
Verse 4
आपन चरित कहा हम गाई कहहु बिप्र निज कथा बुझाई
Verse 5
प्रभु पहिचानि परेउ गहि चरना सो सुख उमा नहिं बरना
Verse 6
पुलकित तन मुख आव न बचना देखत रुचिर बेष कै रचना
Verse 7
पुनि धीरजु धरि अस्तुति कीन्ही हरष हृदयँ निज नाथहि चीन्ही
Verse 8
मोर न्याउ मैं पूछा साईं तुम्ह पूछहु कस नर की नाईं
Verse 9
तव माया बस फिरउँ भुलाना ता ते मैं नहिं प्रभु पहिचाना
Verse 10
एकु मैं मंद मोहबस कुटिल हृदय अग्यान
Verse 11
पुनि प्रभु मोहि बिसारेउ दीनबंधु भगवान
0:000:00
Speed: