Book 4 • Chapter 4
Section 4
10 verses
Verse 1
देखि पवन सुत पति अनुकूला हृदयँ हरष बीती सब सूला
Verse 2
नाथ सैल पर कपिपति रहई सो सुग्रीव दास तव अहई
Verse 3
तेहि सन नाथ मयत्री कीजे दीन जानि तेहि अभय करीजे
Verse 4
सो सीता कर खोज कराइहि जहँ तहँ मरकट कोटि पठाइहि
Verse 5
एहि बिधि सकल कथा समुझाई लिए दुऔ जन पीठि चढ़ाई
Verse 6
जब सुग्रीवँ राम कहुँ देखा अतिसय जन्म धन्य करि लेखा
Verse 7
सादर मिलेउ नाइ पद माथा भैंटेउ अनुज सहित रघुनाथा
Verse 8
कपि कर मन बिचार एहि रीती करिहहिं बिधि मो सन ए प्रीती
Verse 9
तब हनुमंत उभय दिसि की सब कथा सुनाइ
Verse 10
पावक साखी देइ करि जोरी प्रीती दृढ़ाइ
0:000:00
Speed: