Book 4 • Chapter 6
Section 6
16 verses
Verse 1
नात बालि अरु मैं द्वौ भाई प्रीति रही कछु बरनि न जाई
Verse 2
मय सुत मायावी तेहि नाऊँ आवा सो प्रभु हमरें गाऊँ
Verse 3
अर्ध राति पुर द्वार पुकारा बाली रिपु बल सहै न पारा
Verse 4
धावा बालि देखि सो भागा मैं पुनि गयउँ बंधु सँग लागा
Verse 5
गिरिबर गुहाँ पैठ सो जाई तब बालीं मोहि कहा बुझाई
Verse 6
परिखेसु मोहि एक पखवारा नहिं आवौं तब जानेसु मारा
Verse 7
मास दिवस तहँ रहेउँ खरारी निसरी रुधिर धार तहँ भारी
Verse 8
बालि हतेसि मोहि मारिहि आई सिला देइ तहँ चलेउँ पराई
Verse 9
मंत्रिन्ह पुर देखा बिनु साईं दीन्हेउ मोहि राज बरिआई
Verse 10
बालि ताहि मारि गृह आवा देखि मोहि जियँ भेद बढ़ावा
Verse 11
रिपु सम मोहि मारेसि अति भारी हरि लीन्हेसि सर्बसु अरु नारी
Verse 12
ताकें भय रघुबीर कृपाला सकल भुवन मैं फिरेउँ बिहाला
Verse 13
इहाँ साप बस आवत नाहीं तदपि सभीत रहउँ मन माहीं
Verse 14
सुनि सेवक दुख दीनदयाला फरकि उठीं द्वै भुजा बिसाला
Verse 15
सुनु सुग्रीव मारिहउँ बालिहि एकहिं बान
Verse 16
ब्रम्ह रुद्र सरनागत गएँ न उबरिहिं प्रान
0:000:00
Speed: