Book 4 • Chapter 8
Section 8
10 verses
Verse 1
अस कहि चला महा अभिमानी तृन समान सुग्रीवहि जानी
Verse 2
भिरे उभौ बाली अति तर्जा मुठिका मारि महाधुनि गर्जा
Verse 3
तब सुग्रीव बिकल होइ भागा मुष्टि प्रहार बज्र सम लागा
Verse 4
मैं जो कहा रघुबीर कृपाला बंधु न होइ मोर यह काला
Verse 5
एकरूप तुम्ह भ्राता दोऊ तेहि भ्रम तें नहिं मारेउँ सोऊ
Verse 6
कर परसा सुग्रीव सरीरा तनु भा कुलिस गई सब पीरा
Verse 7
मेली कंठ सुमन कै माला पठवा पुनि बल देइ बिसाला
Verse 8
पुनि नाना बिधि भई लराई बिटप ओट देखहिं रघुराई
Verse 9
बहु छल बल सुग्रीव कर हियँ हारा भय मानि
Verse 10
मारा बालि राम तब हृदय माझ सर तानि
0:000:00
Speed: