Book 6 • Chapter 106
Section 106
8 verses
Verse 1
आइ बिभीषन पुनि सिरु नायो कृपासिंधु तब अनुज बोलायो
Verse 2
तुम्ह कपीस अंगद नल नीला जामवंत मारुति नयसीला
Verse 3
सब मिलि जाहु बिभीषन साथा सारेहु तिलक कहेउ रघुनाथा
Verse 4
पिता बचन मैं नगर न आवउँ आपु सरिस कपि अनुज पठावउँ
Verse 5
तुरत चले कपि सुनि प्रभु बचना कीन्ही जाइ तिलक की रचना
Verse 6
सादर सिंहासन बैठारी तिलक सारि अस्तुति अनुसारी
Verse 7
जोरि पानि सबहीं सिर नाए सहित बिभीषन प्रभु पहिं आए
Verse 8
तब रघुबीर बोलि कपि लीन्हे कहि प्रिय बचन सुखी सब कीन्हे
0:000:00
Speed: