Book 6 • Chapter 118
Section 118
10 verses
Verse 1
भालु कपिन्ह पट भूषन पाए पहिरि पहिरि रघुपति पहिं आए
Verse 2
नाना जिनस देखि सब कीसा पुनि पुनि हँसत कोसलाधीसा
Verse 3
चितइ सबन्हि पर कीन्हि दाया बोले मृदुल बचन रघुराया
Verse 4
तुम्हरें बल मैं रावनु मार् यो तिलक बिभीषन कहँ पुनि सार् यो
Verse 5
निज निज गृह अब तुम्ह सब जाहू सुमिरेहु मोहि डरपहु जनि काहू
Verse 6
सुनत बचन प्रेमाकुल बानर जोरि पानि बोले सब सादर
Verse 7
प्रभु जोइ कहहु तुम्हहि सब सोहा हमरे होत बचन सुनि मोहा
Verse 8
दीन जानि कपि किए सनाथा तुम्ह त्रेलोक ईस रघुनाथा
Verse 9
सुनि प्रभु बचन लाज हम मरहीं मसक कहूँ खगपति हित करहीं
Verse 10
देखि राम रुख बानर रीछा प्रेम मगन नहिं गृह कै ईछा
0:000:00
Speed: