Book 6 • Chapter 24
Section 24
18 verses
Verse 1
धन्य कीस जो निज प्रभु काजा जहँ तहँ नाचइ परिहरि लाजा
Verse 2
नाचि कूदि करि लोग रिझाई पति हित करइ धर्म निपुनाई
Verse 3
अंगद स्वामिभक्त तव जाती प्रभु गुन कस न कहसि एहि भाँती
Verse 4
मैं गुन गाहक परम सुजाना तव कटु रटनि करउँ नहिं काना
Verse 5
कह कपि तव गुन गाहकताई सत्य पवनसुत मोहि सुनाई
Verse 6
बन बिधंसि सुत बधि पुर जारा तदपि न तेहिं कछु कृत अपकारा
Verse 7
सोइ बिचारि तव प्रकृति सुहाई दसकंधर मैं कीन्हि ढिठाई
Verse 8
देखेउँ आइ जो कछु कपि भाषा तुम्हरें लाज न रोष न माखा
Verse 9
जौं असि मति पितु खाए कीसा कहि अस बचन हँसा दससीसा
Verse 10
पितहि खाइ खातेउँ पुनि तोही अबहीं समुझि परा कछु मोही
Verse 11
बालि बिमल जस भाजन जानी हतउँ न तोहि अधम अभिमानी
Verse 12
कहु रावन रावन जग केते मैं निज श्रवन सुने सुनु जेते
Verse 13
बलिहि जितन एक गयउ पताला राखेउ बाँधि सिसुन्ह हयसाला
Verse 14
खेलहिं बालक मारहिं जाई दया लागि बलि दीन्ह छोड़ाई
Verse 15
एक बहोरि सहसभुज देखा धाइ धरा जिमि जंतु बिसेषा
Verse 16
कौतुक लागि भवन लै आवा सो पुलस्ति मुनि जाइ छोड़ावा
Verse 17
एक कहत मोहि सकुच अति रहा बालि की काँख
Verse 18
इन्ह महुँ रावन तैं कवन सत्य बदहि तजि माख
0:000:00
Speed: