Book 6 • Chapter 59
Section 59
10 verses
Verse 1
परेउ मुरुछि महि लागत सायक सुमिरत राम राम रघुनायक
Verse 2
सुनि प्रिय बचन भरत तब धाए कपि समीप अति आतुर आए
Verse 3
बिकल बिलोकि कीस उर लावा जागत नहिं बहु भाँति जगावा
Verse 4
मुख मलीन मन भए दुखारी कहत बचन भरि लोचन बारी
Verse 5
जेहिं बिधि राम बिमुख मोहि कीन्हा तेहिं पुनि यह दारुन दुख दीन्हा
Verse 6
जौं मोरें मन बच अरु काया प्रीति राम पद कमल अमाया
Verse 7
तौ कपि होउ बिगत श्रम सूला जौं मो पर रघुपति अनुकूला
Verse 8
सुनत बचन उठि बैठ कपीसा कहि जय जयति कोसलाधीसा
Verse 9
लीन्ह कपिहि उर लाइ पुलकित तनु लोचन सजल
Verse 10
प्रीति न हृदयँ समाइ सुमिरि राम रघुकुल तिलक
0:000:00
Speed: