Book 6 • Chapter 6
Section 6
11 verses
Verse 1
निज बिकलता बिचारि बहोरी बिहँसि गयउ ग्रह करि भय भोरी
Verse 2
मंदोदरीं सुन्यो प्रभु आयो कौतुकहीं पाथोधि बँधायो
Verse 3
कर गहि पतिहि भवन निज आनी बोली परम मनोहर बानी
Verse 4
चरन नाइ सिरु अंचलु रोपा सुनहु बचन पिय परिहरि कोपा
Verse 5
नाथ बयरु कीजे ताही सों बुधि बल सकिअ जीति जाही सों
Verse 6
तुम्हहि रघुपतिहि अंतर कैसा खलु खद्योत दिनकरहि जैसा
Verse 7
अतिबल मधु कैटभ जेहिं मारे महाबीर दितिसुत संघारे
Verse 8
जेहिं बलि बाँधि सहजभुज मारा सोइ अवतरेउ हरन महि भारा
Verse 9
तासु बिरोध न कीजिअ नाथा काल करम जिव जाकें हाथा
Verse 10
रामहि सौपि जानकी नाइ कमल पद माथ
Verse 11
सुत कहुँ राज समर्पि बन जाइ भजिअ रघुनाथ
0:000:00
Speed: