Book 6 • Chapter 88
Section 88
10 verses
Verse 1
मज्जहि भूत पिसाच बेताला प्रमथ महा झोटिंग कराला
Verse 2
काक कंक लै भुजा उड़ाहीं एक ते छीनि एक लै खाहीं
Verse 3
एक कहहिं ऐसिउ सौंघाई सठहु तुम्हार दरिद्र न जाई
Verse 4
कहँरत भट घायल तट गिरे जहँ तहँ मनहुँ अर्धजल परे
Verse 5
खैंचहिं गीध आँत तट भए जनु बंसी खेलत चित दए
Verse 6
बहु भट बहहिं चढ़े खग जाहीं जनु नावरि खेलहिं सरि माहीं
Verse 7
जोगिनि भरि भरि खप्पर संचहिं भूत पिसाच बधू नभ नंचहिं
Verse 8
भट कपाल करताल बजावहिं चामुंडा नाना बिधि गावहिं
Verse 9
जंबुक निकर कटक्कट कट्टहिं खाहिं हुआहिं अघाहिं दपट्टहिं
Verse 10
कोटिन्ह रुंड मुंड बिनु डोल्लहिं सीस परे महि जय जय बोल्लहिं
0:000:00
Speed: