Book 6 • Chapter 90
Section 90
10 verses
Verse 1
अस कहि रथ रघुनाथ चलावा बिप्र चरन पंकज सिरु नावा
Verse 2
तब लंकेस क्रोध उर छावा गर्जत तर्जत सन्मुख धावा
Verse 3
जीतेहु जे भट संजुग माहीं सुनु तापस मैं तिन्ह सम नाहीं
Verse 4
रावन नाम जगत जस जाना लोकप जाकें बंदीखाना
Verse 5
खर दूषन बिराध तुम्ह मारा बधेहु ब्याध इव बालि बिचारा
Verse 6
निसिचर निकर सुभट संघारेहु कुंभकरन घननादहि मारेहु
Verse 7
आजु बयरु सबु लेउँ निबाही जौं रन भूप भाजि नहिं जाहीं
Verse 8
आजु करउँ खलु काल हवाले परेहु कठिन रावन के पाले
Verse 9
सुनि दुर्बचन कालबस जाना बिहँसि बचन कह कृपानिधाना
Verse 10
सत्य सत्य सब तव प्रभुताई जल्पसि जनि देखाउ मनुसाई
0:000:00
Speed: