Book 6 • Chapter 98
Section 98
15 verses
Verse 1
सिर भुज बाढ़ि देखि रिपु केरी भालु कपिन्ह रिस भई घनेरी
Verse 2
मरत न मूढ़ कटेउ भुज सीसा धाए कोपि भालु भट कीसा
Verse 3
बालितनय मारुति नल नीला बानरराज दुबिद बलसीला
Verse 4
बिटप महीधर करहिं प्रहारा सोइ गिरि तरु गहि कपिन्ह सो मारा
Verse 5
एक नखन्हि रिपु बपुष बिदारी भअगि चलहिं एक लातन्ह मारी
Verse 6
तब नल नील सिरन्हि चढ़ि गयऊ नखन्हि लिलार बिदारत भयऊ
Verse 7
रुधिर देखि बिषाद उर भारी तिन्हहि धरन कहुँ भुजा पसारी
Verse 8
गहे न जाहिं करन्हि पर फिरहीं जनु जुग मधुप कमल बन चरहीं
Verse 9
कोपि कूदि द्वौ धरेसि बहोरी महि पटकत भजे भुजा मरोरी
Verse 10
पुनि सकोप दस धनु कर लीन्हे सरन्हि मारि घायल कपि कीन्हे
Verse 11
हनुमदादि मुरुछित करि बंदर पाइ प्रदोष हरष दसकंधर
Verse 12
मुरुछित देखि सकल कपि बीरा जामवंत धायउ रनधीरा
Verse 13
संग भालु भूधर तरु धारी मारन लगे पचारि पचारी
Verse 14
भयउ क्रुद्ध रावन बलवाना गहि पद महि पटकइ भट नाना
Verse 15
देखि भालुपति निज दल घाता कोपि माझ उर मारेसि लाता
0:000:00
Speed: