Book 7 • Chapter 114
Section 114
16 verses
Verse 1
काल कर्म गुन दोष सुभाऊ कछु दुख तुम्हहि न ब्यापिहि काऊ
Verse 2
राम रहस्य ललित बिधि नाना गुप्त प्रगट इतिहास पुराना
Verse 3
बिनु श्रम तुम्ह जानब सब सोऊ नित नव नेह राम पद होऊ
Verse 4
जो इच्छा करिहहु मन माहीं हरि प्रसाद कछु दुर्लभ नाहीं
Verse 5
सुनि मुनि आसिष सुनु मतिधीरा ब्रह्मगिरा भइ गगन गँभीरा
Verse 6
एवमस्तु तव बच मुनि ग्यानी यह मम भगत कर्म मन बानी
Verse 7
सुनि नभगिरा हरष मोहि भयऊ प्रेम मगन सब संसय गयऊ
Verse 8
करि बिनती मुनि आयसु पाई पद सरोज पुनि पुनि सिरु नाई
Verse 9
हरष सहित एहिं आश्रम आयउँ प्रभु प्रसाद दुर्लभ बर पायउँ
Verse 10
इहाँ बसत मोहि सुनु खग ईसा बीते कलप सात अरु बीसा
Verse 11
करउँ सदा रघुपति गुन गाना सादर सुनहिं बिहंग सुजाना
Verse 12
जब जब अवधपुरीं रघुबीरा धरहिं भगत हित मनुज सरीरा
Verse 13
तब तब जाइ राम पुर रहऊँ सिसुलीला बिलोकि सुख लहऊँ
Verse 14
पुनि उर राखि राम सिसुरूपा निज आश्रम आवउँ खगभूपा
Verse 15
कथा सकल मैं तुम्हहि सुनाई काग देह जेहिं कारन पाई
Verse 16
कहिउँ तात सब प्रस्न तुम्हारी राम भगति महिमा अति भारी
0:000:00
Speed: