Book 7 • Chapter 119
Section 119
10 verses
Verse 1
ग्यान पंथ कृपान कै धारा परत खगेस होइ नहिं बारा
Verse 2
जो निर्बिघ्न पंथ निर्बहई सो कैवल्य परम पद लहई
Verse 3
अति दुर्लभ कैवल्य परम पद संत पुरान निगम आगम बद
Verse 4
राम भजत सोइ मुकुति गोसाई अनइच्छित आवइ बरिआई
Verse 5
जिमि थल बिनु जल रहि न सकाई कोटि भाँति कोउ करै उपाई
Verse 6
तथा मोच्छ सुख सुनु खगराई रहि न सकइ हरि भगति बिहाई
Verse 7
अस बिचारि हरि भगत सयाने मुक्ति निरादर भगति लुभाने
Verse 8
भगति करत बिनु जतन प्रयासा संसृति मूल अबिद्या नासा
Verse 9
भोजन करिअ तृपिति हित लागी जिमि सो असन पचवै जठरागी
Verse 10
असि हरिभगति सुगम सुखदाई को अस मूढ़ न जाहि सोहाई
0:000:00
Speed: