Book 7 • Chapter 23
Section 23
10 verses
Verse 1
फूलहिं फरहिं सदा तरु कानन रहहि एक सँग गज पंचानन
Verse 2
खग मृग सहज बयरु बिसराई सबन्हि परस्पर प्रीति बढ़ाई
Verse 3
कूजहिं खग मृग नाना बृंदा अभय चरहिं बन करहिं अनंदा
Verse 4
सीतल सुरभि पवन बह मंदा गूंजत अलि लै चलि मकरंदा
Verse 5
लता बिटप मागें मधु चवहीं मनभावतो धेनु पय स्त्रवहीं
Verse 6
ससि संपन्न सदा रह धरनी त्रेताँ भइ कृतजुग कै करनी
Verse 7
प्रगटीं गिरिन्ह बिबिध मनि खानी जगदातमा भूप जग जानी
Verse 8
सरिता सकल बहहिं बर बारी सीतल अमल स्वाद सुखकारी
Verse 9
सागर निज मरजादाँ रहहीं डारहिं रत्न तटन्हि नर लहहीं
Verse 10
सरसिज संकुल सकल तड़ागा अति प्रसन्न दस दिसा बिभागा
0:000:00
Speed: