Book 7 • Chapter 44
Section 44
8 verses
Verse 1
एहि तन कर फल बिषय न भाई स्वर्गउ स्वल्प अंत दुखदाई
Verse 2
नर तनु पाइ बिषयँ मन देहीं पलटि सुधा ते सठ बिष लेहीं
Verse 3
ताहि कबहुँ भल कहइ न कोई गुंजा ग्रहइ परस मनि खोई
Verse 4
आकर चारि लच्छ चौरासी जोनि भ्रमत यह जिव अबिनासी
Verse 5
फिरत सदा माया कर प्रेरा काल कर्म सुभाव गुन घेरा
Verse 6
कबहुँक करि करुना नर देही देत ईस बिनु हेतु सनेही
Verse 7
नर तनु भव बारिधि कहुँ बेरो सन्मुख मरुत अनुग्रह मेरो
Verse 8
करनधार सदगुर दृढ़ नावा दुर्लभ साज सुलभ करि पावा
0:000:00
Speed: