Book 7 • Chapter 87
Section 87
8 verses
Verse 1
एक पिता के बिपुल कुमारा होहिं पृथक गुन सील अचारा
Verse 2
कोउ पंडिंत कोउ तापस ग्याता कोउ धनवंत सूर कोउ दाता
Verse 3
कोउ सर्बग्य धर्मरत कोई सब पर पितहि प्रीति सम होई
Verse 4
कोउ पितु भगत बचन मन कर्मा सपनेहुँ जान न दूसर धर्मा
Verse 5
सो सुत प्रिय पितु प्रान समाना जद्यपि सो सब भाँति अयाना
Verse 6
एहि बिधि जीव चराचर जेते त्रिजग देव नर असुर समेते
Verse 7
अखिल बिस्व यह मोर उपाया सब पर मोहि बराबरि दाया
Verse 8
तिन्ह महँ जो परिहरि मद माया भजै मोहि मन बच अरू काया
0:000:00
Speed: