Book 1 • Chapter 44
Sarga 44
22 verses
Verse 1
स गत्वा सागरं राजा गङ्गयाऽनुगतस्तदा प्रविवेश तलं भूमेर्यत्र ते भस्मसात्कृता:
Verse 2
भस्मन्यथाऽप्लुते राम गङ्गायास्सलिलेन वै सर्वलोकप्रभुर्ब्रह्मा राजानमिदमब्रवीत्
Verse 3
तारिता नरशार्दूल दिवं याताश्च देववत् षष्ठि: पुत्रसहस्राणि सगरस्य महात्मन:
Verse 4
सागरस्य जलं लोके यावत्स्थास्यति पार्थिव सगरस्यात्मजास्तावत्स्वर्गे स्थास्यन्ति देववत्
Verse 5
इयं च दुहिता ज्येष्ठा तव गङ्गा भविष्यति त्वत्कृतेन च नाम्नाऽथ लोके स्थास्यति विश्रुता
Verse 6
गङ्गा त्रिपथगा राजन् दिव्या भागीरथीति च त्रीन् पथो भावयन्तीति ततस्त्रिपथगा स्मृता
Verse 7
पितामहानां सर्वेषां त्वमत्र मनुजाधिप कुरुष्व सलिलं राजन् प्रतिज्ञामपवर्जय
Verse 8
पूर्वकेण हि ते राजंस्तेनातियशसा तदा धर्मिणां प्रवरेणापि नैष प्राप्तो मनोरथ:
Verse 9
तथैवांशुमता तात लोकेऽप्रतिमतेजसा गङ्गां प्रार्थयतानेतुं प्रतिज्ञा नापवर्जिता
Verse 10
राजर्षिणा गुणवता महर्षिसमतेजसा मत्तुल्यतपसा चैव क्षत्रधर्मस्थितेन च दिलीपेन महाभाग तव पित्राऽति तेजसा पुनर्न शङ्किताऽनेतुं गङ्गां प्रार्थयताऽनघ
Verse 11
राजर्षिणा गुणवता महर्षिसमतेजसा मत्तुल्यतपसा चैव क्षत्रधर्मस्थितेन च दिलीपेन महाभाग तव पित्राऽति तेजसा पुनर्न शङ्किताऽनेतुं गङ्गां प्रार्थयताऽनघ
Verse 12
सा त्वया समनुक्रान्ता प्रतिज्ञा पुरुषर्षभ प्राप्तोऽसि परमं लोके यश: परमसम्मतम्
Verse 13
यच्च गङ्गावतरणं त्वया कृतमरिन्दम अनेन च भवान् प्राप्तो धर्मस्यायतनं महत्
Verse 14
प्लावयस्व त्वमात्मानं नरोत्तम सदोचिते सलिले पुरुषव्याघ्र शुचि: पुण्यफलो भव
Verse 15
पितामहानां सर्वेषां कुरुष्व सलिलक्रियाम् स्वस्ति तेऽस्तु गमिष्यामि स्वं लोकं गम्यतां नृप
Verse 16
इत्येवमुक्त्वा देवेश: सर्वलोकपितामह: यथाऽऽगतं तथाऽगच्छत् देवलोकं महायशा:
Verse 17
भगीरथोऽपि राजर्षि: कृत्वा सलिलमुत्तमम् यथाक्रमं यथान्यायं सागराणां महायशा: कृतोदकश्शुची राजा स्वपुरं प्रविवेश ह समृद्धार्थो रघुश्रेष्ठ स्वराज्यं प्रशशास ह
Verse 18
भगीरथोऽपि राजर्षि: कृत्वा सलिलमुत्तमम् यथाक्रमं यथान्यायं सागराणां महायशा: कृतोदकश्शुची राजा स्वपुरं प्रविवेश ह समृद्धार्थो रघुश्रेष्ठ स्वराज्यं प्रशशास ह
Verse 19
प्रमुमोद ह लोकस्तं नृपमासाद्य राघव नष्टशोकस्समृद्धार्थो बभूव विगतज्वर:
Verse 20
एष ते राम गङ्गाया विस्तरोऽभिहितो मया स्वस्ति प्राप्नुहि भद्रं ते संध्याकालोऽतिवर्तते
Verse 21
धन्यं यशस्यमायुष्यं पुत्र्यं स्वर्ग्यमतीव च यश्श्रावयति विप्रेषु क्षत्रियेष्वितरेषु च प्रीयन्ते पितरस्तस्य प्रीयन्ते दैवतानि च
Verse 22
इदमाख्यानमव्यग्रो गङ्गावतरणं शुभम् यश्शृणोति च काकुत्स्थ सर्वान् कामानवाप्नुयात् सर्वे पापा: प्रणश्यन्ति आयु: कीर्तिश्च वर्धते
0:000:00
Speed: