Book 1 • Chapter 57
Sarga 57
21 verses
Verse 1
ततस्सन्तप्तहृदय: स्मरन्निग्रहमात्मन: विनिश्श्वस्य विनिश्श्वस्य कृतवैरो महत्मना स दक्षिणां दिशं गत्वा महिष्या सह राघव तताप परमं घोरं विश्वामित्रो महत्तप: फलमूलाशनो दान्तश्चकार सुमहत्तप:
Verse 2
ततस्सन्तप्तहृदय: स्मरन्निग्रहमात्मन: विनिश्श्वस्य विनिश्श्वस्य कृतवैरो महत्मना स दक्षिणां दिशं गत्वा महिष्या सह राघव तताप परमं घोरं विश्वामित्रो महत्तप: फलमूलाशनो दान्तश्चकार सुमहत्तप:
Verse 3
अथास्य जज्ञिरे पुत्रास्सत्यधर्मपरायणा: हविष्यन्दो मधुष्यन्दो दृढनेत्रो महारथ:
Verse 4
पूर्णे वर्षसहस्रे तु ब्रह्मा लोकपितामह: अब्रवीन्मधुरं वाक्यं विश्वामित्रं तपोधनम्
Verse 5
चिता राजर्षिलोकास्ते तपसा कुशिकात्मज अनेन तपसा त्वां तु राजर्षिरिति विद्महे
Verse 6
एवमुक्त्वा महातेजा जगाम सह दैवतै: त्रिविष्टपं ब्रह्मलोकं लोकानां परमेश्वर:
Verse 7
विश्वामित्रोऽपि तच्छ्रुत्वा ह्रिया किञ्चिदवाङ्मुख: दु:खेन महताऽऽविष्टस्समन्युरिदमब्रवीत्
Verse 8
तपश्च सुमहत्तप्तं राजर्षिरिति मां विदु: देवास्सर्षिगणास्सर्वे नास्ति मन्ये तप:फलम्
Verse 9
इति निश्चित्य मनसा भूय एव महातपा: तपश्चकार काकुत्स्थ परमं परमात्मवान्
Verse 10
एतस्मिन्नेव काले तु सत्यवादी जितेन्द्रिय: त्रिशङ्कुरिति विख्यात इक्ष्वाकुकुलवर्धन:
Verse 11
तस्य बुद्धिस्समुत्पन्ना यजेयमिति राघव गच्छेयं स्वशरीरेण देवानां परमां गतिम्
Verse 12
स वसिष्ठं समाहूय कथयामास चिन्तितम् अशक्यमिति चाप्युक्तो वसिष्ठेन महात्मना
Verse 13
प्रत्याख्यातो वसिष्ठेन स ययौदक्षिणां दिशम् ततस्तत्कर्मसिद्ध्यर्थं पुत्रां स्तस्य गतो नृप:
Verse 14
वासिष्ठा दीर्घतपसस्तपो यत्र हि तेपिरे त्रिशंङ्कुस्सुमहातेजा श्शतं परमभास्वरम् वसिष्ठपुत्रान् ददृशे तप्यमानान् यशस्विन:
Verse 15
सोऽभिगम्य महात्मनस्सर्वानेव गुरोस्सुतान् अभिवाद्यानुपूर्व्येण ह्रिया किञ्चिदवाङ्मुख: अब्रवीत्सुमहाभगान्सर्वानेव कृताञ्जलि:
Verse 16
सोऽभिगम्य महात्मनस्सर्वानेव गुरोस्सुतान् अभिवाद्यानुपूर्व्येण ह्रिया किञ्चिदवाङ्मुख: अब्रवीत्सुमहाभगान्सर्वानेव कृताञ्जलि:
Verse 17
शरणं व: प्रपद्येऽहं शरण्यान् शरणागत: प्रत्याख्यातोऽस्मि भद्रं वो वसिष्ठेन महात्मना
Verse 18
यष्टुकामो महायज्ञं तदनुज्ञातुमर्हथ गुरुपुत्रानहं सर्वान्नमस्कृत्य प्रसादये
Verse 19
शिरसा प्रणतो याचे ब्राह्मणान् तपसि स्थितान् ते मां भवन्तस्सिद्ध्यर्थं याजयन्तु समाहिता: सशरीरो यथाऽहं हि देवलोकमवाप्नुयाम्
Verse 20
प्रत्याख्यातो वसिष्ठेन गतिमन्यां तपोधना: गुरुपुत्रानृते सर्वान्नाहं पश्यामि काञ्चन
Verse 21
इक्ष्वाकूणां हि सर्वेषां पुरोधा: परमा गति: पुरोधसस्तु विद्वांसस्तारयन्ति सदा नृपान् तस्मादनन्तरं सर्वे भवन्तो दैवतं मम
0:000:00
Speed: