Book 1 • Chapter 65
Sarga 65
36 verses
Verse 1
अथ हैमवतीं राम दिशं त्यक्त्वा महामुनि: पूर्वां दिशमनुप्राप्य तपस्तेपे सुदारुणम्
Verse 2
मौनं वर्षसहस्रस्य कृत्वा व्रतमनुत्तमम् चकाराप्रतिमं राम तप: परमदुष्करम्
Verse 3
पूर्णे वर्षसहस्रे तु काष्ठभूतं महामुनिम् विघ्नैर्बहुभिराधूतं क्रोधो नान्तर आविशत् स कृत्वा निश्चयं राम तप आतिष्टदव्ययम्
Verse 4
तस्य वर्षसहस्रस्य व्रते पूर्णे महाव्रत: भोक्तुमारब्धवानन्नं तस्मिन् काले रघूत्तम इन्द्रो द्विजातिर्भूत्वा तं सिद्धमन्नमयाचत
Verse 5
तस्य वर्षसहस्रस्य व्रते पूर्णे महाव्रत: भोक्तुमारब्धवानन्नं तस्मिन् काले रघूत्तम इन्द्रो द्विजातिर्भूत्वा तं सिद्धमन्नमयाचत
Verse 6
तस्मै दत्वा तदा सिद्धं सर्वं विप्राय निश्चित: निश्शेषितेऽन्ने भगवानभुक्तैव महातपा: न किञ्चिदवदद्विप्रं मौनव्रतमुपस्थित: अथ वर्षसहस्रं वै नोच्छ्वसन्मुनिपुङ्गव:
Verse 7
तस्मै दत्वा तदा सिद्धं सर्वं विप्राय निश्चित: निश्शेषितेऽन्ने भगवानभुक्तैव महातपा: न किञ्चिदवदद्विप्रं मौनव्रतमुपस्थित: अथ वर्षसहस्रं वै नोच्छ्वसन्मुनिपुङ्गव:
Verse 8
तस्यानुच्छ्वसमानस्य मूर्ध्नि धूमो व्यजायत त्रैलोक्यं येन सम्भ्रान्तमादीपितमिवाभवत्
Verse 9
ततो देवास्सगन्धर्वा: पन्नगोरगराक्षसा: मोहितास्तेजसा तस्य तपसा मन्दरश्मय: कश्मलोपहता स्सर्वे पितामहमथाब्रुवन्
Verse 10
बहुभि: कारणैर्देव विश्वामित्रो महामुनि: लोभित: क्रोधितश्चैव तपसा चाभिवर्धते
Verse 11
न ह्यस्य वृजिनं किञ्चिद्दृश्यते सूक्ष्ममप्यथ न दीयते यदि त्वस्य मनसा यदभीप्सितम् विनाशयति त्रैलोक्यं तपसा सचराचरम्
Verse 12
न ह्यस्य वृजिनं किञ्चिद्दृश्यते सूक्ष्ममप्यथ न दीयते यदि त्वस्य मनसा यदभीप्सितम् विनाशयति त्रैलोक्यं तपसा सचराचरम्
Verse 13
व्याकुलाश्च दिशस्सर्वा न च किञ्चित्प्रकाशते सागरा: क्षुभितास्सर्वे विशीर्यन्ते च पर्वता:
Verse 14
प्रकम्पते च पृथिवी वायुर्वाति भृशाकुल: बृह्मन्न प्रतिजानीमोनास्तिको जायते जन:
Verse 15
सम्मूढमिव त्रैलोक्यं सम्प्रक्षुभितमानसम् भास्करो निष्प्रभश्चैव महर्षेस्तस्य तेजसा
Verse 16
बुद्धिं न कुरुते यावन्नाशे देव महामुनि: तावत्प्रसाद्यो भगवा नग्निरूपोमहाद्युति:
Verse 17
कालाग्निना यथापूर्वं त्रैलोक्यं दह्यतेऽखिलम् देवराज्यं चिकीर्षेत दीयतामस्य यन्मतम्
Verse 18
ततस्सुरगणास्सर्वे पितामहपुरोगमा: विश्वामित्रं महात्मानं मधुरं वाक्यमब्रुवन्
Verse 19
ब्रह्मर्षे स्वागतं तेऽस्तु तपसा स्म सुतोषिता: ब्राह्मण्यं तपसोग्रेण प्राप्तवानसि कौशिक
Verse 20
दीर्घमायुश्च ते ब्रह्मन् ददामि समरुद्गण: स्वस्ति प्राप्नुहि भद्रं ते गच्छ सौम्य यथासुखम्
Verse 21
पितामहवचश्शृत्वा सर्वेषां च दिवौकसाम् कृत्वा प्रणामं मुदितो व्याजहार महामुनि:
Verse 22
ब्राह्मण्यं यदि मे प्राप्तं दीर्घमायुस्तथैव च ओङ्कारश्च वषट्कारो वेदाश्च वरयन्तु माम्
Verse 23
क्षत्रवेदविदां श्रेष्ठो ब्रह्मवेदविदामपि ब्रह्मपुत्रो वसिष्ठो मामेवं वदतु देवता: यद्ययं परम: काम: कृतो यान्तु सुरर्षभा:
Verse 24
तत: प्रसादितो देवैर्वसिष्ठो जपतां वर: सख्यं चकार ब्रह्मर्षिरेवमस्त्विति चाब्रवीत्
Verse 25
ब्रह्मर्षिस्त्वं न सन्देहस्सर्वं सम्पत्स्यते तव इत्युक्त्वा देवताश्चापि सर्वा जग्मुर्यथागतम्
Verse 26
विश्वामित्रोऽपि धर्मात्मा लब्ध्वा ब्राह्मण्यमुत्तमम् पूजयामास ब्रह्मर्षिं वसिष्ठं जपतां वरम्
Verse 27
कृतकामो महीं सर्वां चचार तपसि स्थित: एवं त्वनेन ब्राह्मण्यं प्राप्तं राम महात्मना
Verse 28
एष राम मुनिश्रेष्ठ एष विग्रहवांस्तप: एष धर्मपरो नित्यं वीर्यस्यैष परायणम्
Verse 29
एवमुक्त्वा महातेजा विरराम द्विजोत्तम: शतानन्दवच: श्रुत्वा रामलक्ष्मणसन्निधौ जनक: प्राञ्जलिर्वाक्यमुवाच कुशिकात्मजम्
Verse 30
एवमुक्त्वा महातेजा विरराम द्विजोत्तम: शतानन्दवच: श्रुत्वा रामलक्ष्मणसन्निधौ जनक: प्राञ्जलिर्वाक्यमुवाच कुशिकात्मजम्
Verse 31
धन्योऽस्म्यनुगृहीतोऽस्मि यस्य मे मुनिपुङ्गव यज्ञं काकुत्स्थसहित: प्राप्तवानसि धार्मिक
Verse 32
पावितोऽहं त्वया ब्रह्मन् दर्शनेन महामुने गुणा बहुविधा: प्राप्तास्तव सन्दर्शनान्मया
Verse 33
विस्तरेण च ते ब्रह्मन् कीर्त्यमानं महत्तप: श्रुतं मया महातेजो रामेण च महात्मना
Verse 34
सदस्यै: प्राप्य च सद: श्रुतास्ते बहवो गुणा: अप्रमेयं तपस्तुभ्यमप्रमेयं च ते बलम् अप्रमेया गुणाश्चैव नित्यं ते कुशिकात्मज
Verse 35
तृप्तिराश्चर्यभूतानां कथानां नास्ति मे विभो कर्मकालो मुनिश्रेष्ठ लम्बते रविमण्डलम्
Verse 36
श्व: प्रभाते महातेजो द्रष्टुमर्हसि मां पुन: स्वागतं तपतां श्रेष्ठ मामनुज्ञातुमर्हसि
0:000:00
Speed: