Book 1 • Chapter 69
Sarga 69
18 verses
Verse 1
ततो रात्र्यां व्यतीतायां सोपाध्याय: सबान्धव: राजा दशरथो हृष्ट स्सुमन्त्रमिदमब्रवीत्
Verse 2
अद्य सर्वे धनाध्यक्षा धनमादाय पुष्कलम् व्रजन्त्वग्रे सुविहिता नानारत्नसमन्विता:
Verse 3
चतुरङ्गबलं चापि शीघ्रं निर्यातु सर्वश: ममज्ञासमकालं च यानयुग्यमनुत्तमम्
Verse 4
वसिष्ठो वामदेवश्च जाबालिरथ काश्यप: मार्कण्डेयश्च दीर्घायु:ऋषि: कात्यायनस्तथा एते द्विजा: प्रयान्त्वग्रे स्यन्दनं योजयस्व मे यथा कालात्ययो न स्या द्दूता हि त्वरयन्ति माम्
Verse 5
वसिष्ठो वामदेवश्च जाबालिरथ काश्यप: मार्कण्डेयश्च दीर्घायु:ऋषि: कात्यायनस्तथा एते द्विजा: प्रयान्त्वग्रे स्यन्दनं योजयस्व मे यथा कालात्ययो न स्या द्दूता हि त्वरयन्ति माम्
Verse 6
वचनात्तु नरेन्द्रस्य सा सेना चतुरङ्गिणी राजानमृषिभि स्सार्धं व्रजन्तं पृष्ठतोऽन्वगात्
Verse 7
गत्वा चतुरहं मार्गं विदेहानभ्युपेयिवान् राजा तु जनक श्श्रीमान् श्श्रुत्वा पूजामकल्पयत्
Verse 8
ततो राजानमासाद्य वृद्धं दशरथं नृपम् जनको मुदितो राजा हर्षं च परमं ययौ
Verse 9
उवाच च नरश्रेष्ठो नरश्रेष्ठं मुदाऽन्वित: स्वागतं ते महाराज दिष्ट्या प्राप्तोऽसि राघव पुत्रयोरुभयो: प्रीतिं लप्स्यसे वीर्यनिर्जिताम्
Verse 10
दिष्ट्या प्राप्तो महातेजा वसिष्ठो भगवानृषि: सह सर्वैर्द्विजश्रेष्ठैर्देवैरिव शतक्रतु:
Verse 11
दिष्ट्या मे निर्जिता विघ्ना दिष्ट्या मे पूजितं कुलम् राघवै स्सह सम्बन्धाद्वीर्यश्रेष्ठैर्महात्मभि:
Verse 12
श्व: प्रभाते नरेन्द्रेन्द्र निर्वर्तयितुमर्हसि यज्ञस्यान्ते नरश्रेष्ठ विवाहमृषिसम्मतम्
Verse 13
तस्य तद्वचनं श्रुत्वा ऋषिमध्ये नराधिप: वाक्यं वाक्यविदां श्रेष्ठ: प्रत्युवाच महीपतिम्
Verse 14
प्रतिग्रहो दातृवश श्श्रृतमेतन्मया पुरा यथा वक्ष्यसि धर्मज्ञ तत्करिष्यामहे वयम्
Verse 15
धर्मिष्ठं च यशस्यं च वचनं सत्यवादिन: श्रुत्वा विदेहाधिपति: परं विस्मयमागत:
Verse 16
तत स्सर्वे मुनिगणा: परस्परसमागमे 1.69.16 हर्षेण महता युक्तास्तां निशामवसन् सुखम्
Verse 17
राजा च राघवौ पुत्रौ निशाम्य परिहर्षित: उवास परमप्रीतो जनकेन सुपूजित:
Verse 18
जनकोऽपि महातेजा: क्रियां धर्मेण तत्त्ववित् यज्ञस्य च सुताभ्यां च कृत्वा रात्रिमुवास ह
0:000:00
Speed: