Book 7 • Chapter 92
Sarga 92
19 verses
Verse 1
तत्सर्वमखिलेनाशु प्रस्थाप्य भरताग्रजः हयं लक्षणसम्पन्नं कृष्णसारं मुमोच ह
Verse 2
ऋत्विग्भिर्लक्ष्मणं सार्धमश्वतन्त्रे नियोज्य च ततो ऽभ्यगच्छत्काकुत्स्थः सह सैन्येन नैमिशम्
Verse 3
यज्ञवाटं महाबाहुर्दृष्ट्वा परममद्भुतम् प्रबर्षमतुलं लेभे श्रीमानिति वचो ऽब्रवीत्
Verse 4
नैमिषे वसतस्तस्य सर्व एव नराधिपाः आनिन्युरुपहारांश्च तान्रामः प्रत्यपूजयत्
Verse 5
उपकार्या महार्हाश्च पार्थिवानां महात्मनाम् सानुगानां नरश्रेष्ठो व्यादिदेश महामतिः
Verse 6
अन्नपानानि वस्त्राणि सानुगानां महात्मनाम् भरतः सन्ददावाशु शत्रुघ्नसहितस्तदा
Verse 7
वानराश्च महात्मानः सुग्रीवसहितास्तदा विप्राणां प्रणताः सर्वे चक्रिरे परिवेषणम्
Verse 8
बिभीषणश्च रक्षोभिर्बहुभिः स्रग्विभिर्वृतः ऋषीणामुग्रतपसां पूजां चक्रे महात्मनाम्
Verse 9
एवं सुविहितो यज्ञो हयमेधो ऽभ्यवर्तत लक्ष्मणेनागुप्ता च हयचर्या प्रवर्तत ईदृशं राजसिंहस्य यज्ञप्रवरमुत्तमम्
Verse 10
नान्यः शब्दो ऽभवत्तत्र हयमेधे महात्मनः छन्दतो देहि विस्रब्धो यावत्तुष्यन्ति याचकाः
Verse 11
तावत्सर्वाणि दत्तानि क्रतुमध्ये महात्मनः विविधानि च गौडानि खाण्डवानि तथैव च
Verse 12
न निस्सृतं भतत्योष्ठाद्वचनं यावदर्थिनाम् तावद्वानररक्षोभिर्दत्तमेवाभ्यदृश्यत
Verse 13
न कश्चिन्मलिनस्तत्र दीनो वा ऽप्यथ कृर्शतः तस्मिन्यज्ञवरे राज्ञो हृष्टपुष्टजनावृते
Verse 14
ये च तत्र महात्मानो मुनयश्चिरजीविनः नास्मरंस्तादृशं यज्ञं नाप्यासीत् स कदाचन
Verse 15
यः कृत्यवान्सुवर्णेन सुवर्णं लभते स्म सः वित्तार्थी लभते वित्तं रत्नार्थी रत्नमेव च
Verse 16
रजतानां सुवर्णानामश्मनामथ वाससाम् अनिशं दीयमानानां राशिः समुपदृश्यते
Verse 17
न शक्रस्य धनेशस्य यमस्य वरुणस्य वा ईदृशो दृष्टपूर्वो न एवमूचुस्तपोधनाः
Verse 18
सर्वत्र वानरास्तस्थुः सर्वत्रैव च राक्षसाः वासोधनान्नमर्थिभ्यः पूर्णहस्ता ददुर्भृशम्
Verse 19
ईदृशो राजसिंहस्य यज्ञः सर्वगुणान्वितः संवत्सरमथो साग्रं वर्तते न च हीयते
0:000:00
Speed: