Book 6 • Chapter 11
Sarga 11
32 verses
Verse 1
सबभूवकृशोराजामैथिलीकाममोहितः असन्मानाच्चसुहृदांपापंपापेनकर्मणा
Verse 2
अतीतसमयेकालेतस्मिन्वैयुधिरावणः अमात्यैश्चसुहृद्भिश्चप्राप्तकालममन्यत
Verse 3
सहेमजालविततंमणिविद्रुमभूषितम् उपगम्यविनीताश्वमारुरोहमहारथम्
Verse 4
तमास्थायरथश्रेष्ठंमहामेघसमस्वनम् प्रययौरक्षसांश्रेष्ठोदशग्रीवस्सभांप्रति
Verse 5
असिचर्मधरायोधास्सर्वायुधधरास्ततः राक्षसाराक्षसेन्द्रस्यपुरस्तात्सम्प्रतस्थिरे
Verse 6
नानाविकृतवेषाश्चनानाभूषणभूषिताः पार्श्वतस्पृष्ठतश्चैनंपरिवार्यययुस्तत:
Verse 7
रथैश्चातिरथाश्शीघ्रंमत्तैश्चवरवारणैः अनूत्पेतुर्दशग्रीवमाक्रीडद्भिश्चवाजिभिः
Verse 8
गदापरिघहस्ताश्चशक्तितोमरपाणयः परश्वथधराश्चान्येतथाऽन्येशूलपाणयः
Verse 9
ततस्तूर्यसहस्राणांसञ्जज्ञेनिस्स्वनोमहान् तुमुलश्शङ्खशब्दश्चसभांगच्छतिरावणे
Verse 10
सनेमिघोषेणमहान्सहसाऽभिनिनादयन् राजमार्गंश्रियाजुष्टंप्रतिपेदेमहारथः
Verse 11
विमलंचातपत्राणांप्रगृहीतमशोभत पाण्डुरंराक्षसेन्द्रस्यपूर्णस्ताराधिपोयथा
Verse 12
हेममञ्जरिगर्भेचशुद्धस्फटिकविग्रहे चामरव्यजनेतस्यरेजतुस्सव्यदक्षिणे
Verse 13
तेकृताञ्जलयस्सर्वेरथस्थंपृथिवीस्थिताः राक्षसाराक्षसश्रेष्ठंशिरोभिस्तंववन्दिरे
Verse 14
राक्षसैस्त्सूयमानस्सञ्जयाशीर्भिररिन्दमः आससादमहातेजास्सभांविरचितांतदा
Verse 15
सुवर्णरजतास्तीर्णांविशुद्धस्फटिकान्तराम् विराजमानोवपुषारुक्मपट्टोत्तरच्छदाम् तांपिशाचशतै: षङ्भिरभिगुप्तांसदाप्रभाम् प्रविवेशमहातेजास्सुकृतांविश्वकर्मणा
Verse 16
सुवर्णरजतास्तीर्णांविशुद्धस्फटिकान्तराम् विराजमानोवपुषारुक्मपट्टोत्तरच्छदाम् तांपिशाचशतै: षङ्भिरभिगुप्तांसदाप्रभाम् प्रविवेशमहातेजास्सुकृतांविश्वकर्मणा
Verse 17
तस्यांसवैडूर्यमयंप्रियकाजिनसम्वृतम् महत्सोपाश्रयंभेजेरावणःपरमासनम्
Verse 18
तत: शशासेश्वरवद्दूतान्लघुपराक्रमान् समानयतमेक्षिप्रमिहैतान्राक्षसानिति कृत्यमस्तिमहज्जानेकर्तव्यमितिशत्रुभिः
Verse 19
राक्षसास्तद्वचश्श्रुत्वालङ्कायांपरिचक्रमुः अनुगेहमवस्थायविहारशयनेषुच उद्यानेषुचरक्षांसिचोदयन्तोह्यभीतवत्
Verse 20
राक्षसास्तद्वचश्श्रुत्वालङ्कायांपरिचक्रमुः अनुगेहमवस्थायविहारशयनेषुच उद्यानेषुचरक्षांसिचोदयन्तोह्यभीतवत्
Verse 21
तेरथान् रुचिरानेकेदृप्तानेकेपृथग्घयान् नागानेकेऽधिरुरुहुर्जग्मुश्चैकेपदातयः
Verse 22
सापुरीपरमाकीर्णारथकुञ्जरवाजिभिः सम्पतद्भिर्विरुरुचेगरुत्मद्भिरिवाम्बरम्
Verse 23
तेवाहनाव्यवस्थाप्ययानानिविविधानिच सभांपद्भिःप्रविविशुस्सिंहागिरिगुहामिव
Verse 24
राज्ञःपादौगृहीत्वातुराज्ञातेप्रतिपूजिताः पीठेष्वन्येबृसीष्वन्येभूमौकेचिदुपाविशन्
Verse 25
तेसमेत्यसभायांवैराक्षसाराजशासनात् यथार्हमुपतस्थुस्तेरावणंराक्षसाधिपम्
Verse 26
मन्त्रिणश्चयथामुख्यानिश्चयार्थेषुपण्डिताः अमात्याश्चगुणोपेतास्सर्वज्ञाबुद्धिदर्शनाः समीयुस्तत्रशतशशूराश्चबहवस्तदा सभायांहेमवर्णायांसर्वार्थस्यसुखायवै
Verse 27
मन्त्रिणश्चयथामुख्यानिश्चयार्थेषुपण्डिताः अमात्याश्चगुणोपेतास्सर्वज्ञाबुद्धिदर्शनाः समीयुस्तत्रशतशशूराश्चबहवस्तदा सभायांहेमवर्णायांसर्वार्थस्यसुखायवै
Verse 28
ततोमहात्माविपुलंसुयुग्यंरथम्वरंहेमविचित्रिताङ्गम् शुभंसमास्थायययौयशस्वीविभीषणस्संसदमग्रजस्य
Verse 29
सपूर्वजायावरजश्शशंसनामाथपश्चाश्चरणौववन्दे शुकःप्रहस्तश्चतथैवतेभ्योददौयथार्हंपृथगासनानि
Verse 30
सुवर्णनानामणिभूषणानांसुवाससांसंसदिराक्षसानाम् तेषांपरार्घ्यागुरुचन्दनानांस्रजाश्चगन्धाःप्रववुस्समन्तात्
Verse 31
नचुक्रुशुर्नानृतमाहकश्चित्सभापदोनापिजजल्पुरुच्चैः संसिद्धार्थास्सर्वएवोग्रवीर्याभर्तुस्सर्वेददृशुश्चाननंते
Verse 32
सरावणश्शस्त्रभृतांमनस्विनांमहाबलानांसमितौमनस्वी तस्यांसभायांप्रभयाचकाशेमध्येवसूनामिववज्रहस्तेः
0:000:00
Speed: